ولسه بنحبك يا مصر
...............................
كان سرنا فى حبنا لبعضنا
وكلنا ايد واحده فى الشده نتحد كلنا
وكنتى انتى يا مصر بسمتنا
وكنتى انتى يا مصر غنوتنا
وكان حضنك هو اللى بيضمنا
............
دلوقتى ....
بقينا متفرقين
ومابين البلاد متوزعين
ولا باين لنا مله ولا عارف لينا دين
دلوقتى ....
شايف ناس مع النظام
وناس تانية لجل المال نسيوا الحلال والحرام
وناس باعت هدومها ....
وناس ماسكه ناس بتلومها
وناس بتقول دول خونه
وناس بتقول احرار
وناس بتقول هنصونك
وناس طلعوا اشرار
وناس نسيوا اللى باعك
وناس باعوا الدار
وهاجروا يشوفوا غيرك
يتحاموا فيه من النار
.............
دلوقتى ...
دلوقتى يا مصر غير امبارح
مش عارف ليه لاول مرة احس بالبرد
مش عارف ليه طول الوقت
تايه وسارح
دلوقتى يا مصر غير امبارح
...............
دلوقتى الهرم محتاج ازاله
وشكلهم كده هيبيعوه
والنيل كمان ماليان زباله
وكل شوية بيخنقوه
وابو الهول زعلان على حاله
وبيلعن اللى جابوه
دلوقتى الحضارة بقت شطارة
وكلمتين فى جرنال
وفيلم فى السينما
وسجارتين كليوباترا
من عند البقال
دلوقتى يا مصر
الحضارة بقت شطارة
وكلمتين فى جرنال
........................
دلوقتى يا مصر
كتروا اعدائك
طمعانين فيكى
لانك مش عارفه تلمى ولادك
قالوا خلاص جت الفرصه
واضرب بسيفك يا خاين
واقطع حبل الوداد
مانت غرضك ظاهر وباين
عايز تزرع فساد
مانت غرضك ظاهر وباين
عايز تزل العباد
عايز تشمت
والشماته من الالحاد
عملتلك ايه مصر الجميله
ولا اولادها الطيبين
جى بتخطط وتفكر وتظبط
تملك الارض
تسد النيل
تهتك عرض
تضرب فى الجسم
اللى من كتر الهم
اصبح عليل
لم كلابك واخرج يا ذليل
الارض دى ارضنا
ملكى وملك اولادى
ولايوم تروح مننا
ولا عمرى ابيع بلادى
لم كلابك واخرج يا ذليل
القضيه قضيتنا
مالك فيها اختصاص
ورئيسنا مننا حتى لو ضدنا
وحتى لو باع مصر
وباع النيل وباع الهرم
وباعنا كلنا
مالك فيها اختصاص
اخرج من هنا وبطل يا هجاس
دى مصر دى امنا واختنا وبنتنا
وشرفنا كلنا
ومهما نشوف منها
ومهما تشوف مننا
احنا مسيرنا لبعضنا
مسيرنا نتلم
وننسى الهم
ويرجع يدق القلب من شده حبنا
وهتفضل مصر حدوته كل عصر
ولسه بنحبك يا مصر
سامح طاحون
s.tahuon@live.com
sameh_tahuon@yahoo.com
________________________
انا لا اوافق على مايحدث فى مصر هذه الايام ولكننى ارفض وبشده التدخل الاجنبى المكون فى قطر وامريكا قطر باموالها وامريكا بسلطتها ونفوذها ... وارغب فى ان نتكاتف لطرد هؤلاء العملاء ومن يتبعهم وبعدها ننظر لقضايانا نفعل مانفعله لكن بانفسنا ولا نسمح بتواجد الاغراب بيننا فالقضية هى قضية مصر ومصر لا تخص الا المصريين ......
اولا احب ان اقول لكى بانك حقا رائع
ردحذفثانيا انا اتفق معك .. ما دخل قطر او غير قطر فى شئون مصر ... فليتركونا نحن ويتركوا مصر .. ليس لهم مكان بيننا .. نحن فقط من سنحدد مصيرنا ومصير بلدنا
تقبل تحياتى لشخصك الكريم
اميرة ابو زيد
ياسامح ياجامد والله عندك حق وكلامك جميل
ردحذفمصرى من يومك وغيور على بلدك واكيد طالما مصر فيها زيك انا مطمأن وبقولك ولسه بنحبك يامصر
ردحذفحلو قوى الكلام ومعبر عن حالة البلد والظروف اللى بنمر بيها
ردحذفوفعلا لسة بنحب مصر
يمنى
(( عايز تشمت
ردحذفوالشماته من الالحاد
------------
الله على التعبير
هو ده سامح طاحون
ردحذفوهما دول ولادك يا مصر
واكيد انا واحده منهم (: (:
القضية قضية مصر ومصر لا تخص الا المصريين
ردحذفبجد عجزت امام كلماتك وامام تعبيرك
يتضح للجميع من بين الكلمات حبك الشديد لبلدك لك منى كل التحية والاحترام
جميلة جدا كلماتك تقبلنى صديق وتقبل مرورى وتعليقى
ردحذفدائما ما يكون هناك انسان مبدع يقدر وبكل سهولة ان يسيطر على مشاعرنا ودائما تكون انت يا سامح هذا الانسان على الاقل عندى انا
ردحذفسامح طاحون عنوان الحب والوطنية والابداع
لك منى كل الحب والتقدير والموده :: شيماء صبرى
مازلت اقول بانك فارس منذ قرأت لك اول مقال لك على الفيس بوك واسمح لى انا انشر هذه القصيده على جروب الوهات على الفيس بوك
ردحذفاخوك المهندس / جمال عبدالعزيز
مصر هتفضل دايما فوق الكل
ردحذفمع تمنياتي لك بالتوفيق ياسامح
اختك مني طاحون
السلام عليكم ورحمة الله وبركاته
ردحذفاهلا بكل اصدقائى واخواتى سعيد جدا بتعليقاتكم
وشرفتونى بمروركم العطر الكريم
_________________________________
رجاء من الاخوة اللى قاموا بنشر القصيده بعدد من المنتديات انا لا امانع نشر القصيده ونقلها لمواقع اخرى ولكن ارجوا نشرها كما هى مع ذكر المصدر
تحياتى لكم
الشاعر / سامح طاحون
القصيده روووعه بجد وعلى فكرة يا استاذ سامح انا نشرتها بس للامانه نشرتها كما هى واسم حضرتك موجود عليها نشرتها فى منتدى الكلية بتاعتى
ردحذفالله عليك يا عمنا ابداع ثم ابداع القصيده دلوقتى منشورة فى كتير من المواقع والمنتديات واسمك منور عليها
ردحذففى انتظار باقى ابداعاتك
محمد خالد
عملتلك ايه مصر الجميله
ردحذفولا اولادها الطيبين
جى بتخطط وتفكر وتظبط
تملك الارض
تسد النيل
تهتك عرض
تضرب فى الجسم
اللى من كتر الهم
اصبح عليل
لم كلابك واخرج يا ذليل
اقل مااقوله.. انت مبدع
السلام عليكم
ردحذفازيك يا سامح يارب تكون بخير
مش هقدر اضيف ولا اقول اكتر مما قالوه من سبقونى فى التعليقات
لان سامح طاحون ارتبط بالابداع والابداع ارتبط بسامح طاحون واصبحت بينكم علاقة خاصه (( ومحدش يفهمنى غلط )) ههههههههههههه
هالة مجدى
الفلاحه ماتت ولازم يسلموا نفسهم
ردحذفحد فاهمنى
هههههههههههههههههههههههههه
ردحذفانا فاهمك يا احمد