ياكل شبر فى ارض مصر اعرفه
ياسحر بلدى اللى مهما بحاول مش بقدر اوصفه
ياكل شجرة توت على الطريق وشوية عيال بيحدفوا
ياكل قهوة ورصيف وبياع جرايد عاش ومات ولاحد قدر ينصفه
ياكل ناصية شارع و حارة فيها شبابها بيهتفوا
يا احلى كوباية شاى فى ساحة الحسين
ياكل درويش معدى منين لفين
يا اى حــــد وكل حاجـــة فى اى حتــــــــة
يا اى منظر يا اى مكان يا اى حد فى مصر
يا سيدنا الولى ويا جربوع
ويا صاحب الفضل اللى مالوش حصر
يا فران ويا حلوانى ويا قهوجى
ويا جزمجى ..
وياصاحب العشة ويا صاحب القصر
اثبتوا انها مش خاطية فيكم
وانكم ولاد حلال !
وان مصر عمرها ماكان لها مشي بطال
وانقذوا مصر
--
سامح طاحون
