يا بلدنــا لا تنـامــى

يا بلدنا

يابلدنا اسمعينى

واسمعى ناصر كمان

ناصر ابنك ...

ناصر دمك ...

ناصر نبض الحنان

ناصر العزه ...

ناصر الكرامه ...

ناصر زينه الفتيان

ناصر الوطنيه . ناصر الحريه . ناصر كمان وكمان

يا بلدنا اسمعينى ...

واسمعى حليم بيناديكى

بيقولك لا تنامى والفساد ده كله فيكى

يا بلدنا ماتسمعينى ...

دا انتى دايما توجعينى

انا نفسى افرح مره بيكى

لا تنامى .. وصحى شعبك

اروى ارضك ...

صونى عرضك

وضمى ولادك فى حضنك

ساعتها محدش يقدر عليكى

يابلدنا يا مصريه ... يا وطنيه

وناصر رمز الحريه

وولادك رموز الفدائيه

والسادات اهو زمنه فات

وقالواعليه خاين وعميل

لكنه مات ...

وبعد ما مات اخدوه للبطوله دليل

عاش وسطنا ..

رجع ارضنا ..

ومات هنا شهيد ونبيل

اما التانى غير الاولانى ..

فعلا هو اكبر عميل

باعك يا غاليه ...

وباع نيلك ..

باع ارضك ...

نهب خيرك ...

وذلنا فى نهارك ..

وهانا فى ليلك

فكان لازم ولابد ...

يصرخ جمال وروحه ترد

وحليم ..

فاكره حليم عاصر معاكى عصر اليم

قام تانى يغنيلك

ويسلى وحدتك فى ليلك

ويقولك ... لا تنامى

يا بلدنا لا تنامى


سامح طاحون
s.tahuon@live.com
s.tahuon@yahoo.com