زى شوقك لحبيبك
هو كده بالتمام
زى اقتناعك بانه مش نصيبك
ورغم ذلك هيمان فى الغرام
زى حبك للحياة
برغم جرح الايام
زى حلمك
ونظرتك للمستقبل ادام
زى القلم والورق
متصاحبين وفى اخر الرواية يوصلوا لمفترق
الورق يروح المطبعة
والقلم تشيله فى جيبك
هو كده بالتمام
هو وطن
يعنى نهر حب
فى وقت المحن
بتزداد معزته فى القلب
هو وطن
يعنى دفى وامان
يعنى تفوت السنين وتهاجر وترجع
وتلقاه لساه مليان حنان
هو وطن
يعنى عشة فى غيط
وشاى العصارى وقعدتك ادام البيت
هو وطن
يعنى انت و جارك تزعلوا بالليل
والصبح يقولك صباح الخير
هو وطن ليك وليا وللطيور والحيوانات
يعنى ماتقدرش تنكر ان العصفور على الشجر بيحب مصر
وان الحمار برغم المحن وبرغم تعبه طول النهار بيموت فى مصر
يعنى لو قولت رأيك تتشتم
ولو سكت تبقى مش بتحب مصر
يعنى ممنوع نهين الرموز
والرموز كتير مالهاش حصر
اللى حرامى واللى نصاب واللى كداب
ومفترقين طول الطريق وجمعهم هدف واحد
حكـــم مصـــر
ها ... قولى
هتختار اللى هتسانده امريكا ؟
ولا هتختار اللى هتسانده السعودية ؟
ها .. قولى
هتعمل اعتصام وتعترض ؟
ولا هتعمل مظاهره مليونية ؟
ها .. قولى
مين اللى بيدمر فى البلد ؟
اسرائيل ولا بواقى النظام والبلطجية؟
ها .. قولى
تحب تعيش فى دولة الاقباط ؟ ولا فى دولة النوبة ؟ ولا الدولة الاسلامية ؟
ماخلاص انسى كلمة مصر يا روح الروح
بكره زى ماكل شئ راح بغبائكم مصر كمان هتروح
يحرقكم ربنا فوقوا ايامكم هتبقى هباب
وانا من كتر خنقتى عندى اكتئاب
هو كده بالتمام
زى اقتناعك بانه مش نصيبك
ورغم ذلك هيمان فى الغرام
زى حبك للحياة
برغم جرح الايام
زى حلمك
ونظرتك للمستقبل ادام
زى القلم والورق
متصاحبين وفى اخر الرواية يوصلوا لمفترق
الورق يروح المطبعة
والقلم تشيله فى جيبك
هو كده بالتمام
هو وطن
يعنى نهر حب
فى وقت المحن
بتزداد معزته فى القلب
هو وطن
يعنى دفى وامان
يعنى تفوت السنين وتهاجر وترجع
وتلقاه لساه مليان حنان
هو وطن
يعنى عشة فى غيط
وشاى العصارى وقعدتك ادام البيت
هو وطن
يعنى انت و جارك تزعلوا بالليل
والصبح يقولك صباح الخير
هو وطن ليك وليا وللطيور والحيوانات
يعنى ماتقدرش تنكر ان العصفور على الشجر بيحب مصر
وان الحمار برغم المحن وبرغم تعبه طول النهار بيموت فى مصر
يعنى لو قولت رأيك تتشتم
ولو سكت تبقى مش بتحب مصر
يعنى ممنوع نهين الرموز
والرموز كتير مالهاش حصر
اللى حرامى واللى نصاب واللى كداب
ومفترقين طول الطريق وجمعهم هدف واحد
حكـــم مصـــر
ها ... قولى
هتختار اللى هتسانده امريكا ؟
ولا هتختار اللى هتسانده السعودية ؟
ها .. قولى
هتعمل اعتصام وتعترض ؟
ولا هتعمل مظاهره مليونية ؟
ها .. قولى
مين اللى بيدمر فى البلد ؟
اسرائيل ولا بواقى النظام والبلطجية؟
ها .. قولى
تحب تعيش فى دولة الاقباط ؟ ولا فى دولة النوبة ؟ ولا الدولة الاسلامية ؟
ماخلاص انسى كلمة مصر يا روح الروح
بكره زى ماكل شئ راح بغبائكم مصر كمان هتروح
يحرقكم ربنا فوقوا ايامكم هتبقى هباب
وانا من كتر خنقتى عندى اكتئاب
سامح طاحون
s.tahuon@live.com
كلام جريئ لايصدر الا من شخص واعي لما يقول
ردحذف