سامح طاحون: رسالة الى نفسى .. سامح طاحون

الأربعاء، مارس 28، 2012

رسالة الى نفسى .. سامح طاحون

.لو لسه حاسس بأمان

خلى فى عينك حصوة ملح ..

وفرق منه فى كل مكان

لو لسه بتحس بدفا

خليك انسان ..

ولوحدك كده احضن بردان

عارف ..

ناس كتير بتترحم على ايام زمان !

ماعرفش كان فى ايه وقتها

يمكن ناسي او بستهبل او مذهول

يمكن لسه بفطر فول ..

يمكن تعبان او حيران او مسطول

بس أكيد ..

بلدك محتاجه تبدأ من جديد

تنسى زمان وتنسى دلوقتى

وتنسانا احنا كمان ...

وتشق طريق ببسمة جيل

اكيد فى يوم هيتولد

جيل عنيد بيحب بجد

لايهمه مكسب برلمان

ولا كل يوم ينشر بيان

فعيشها بقى ببساطة واسرح

وحب تانى وحاول تفرح

وخليك دايما عابر سبيل .

.

.

وشكرا لساعى البريد !

سامح طاحون

مصر المقهورة , مارس 2012

ليست هناك تعليقات:

إرسال تعليق

ما تعليقك ؟