اوقــــــات ....سامح طاحون

اوقات ...

 بشوف شريط الذكريات

 بيمر من ادام عنيا


وبفضل سارح بالساعات


افتكر الصحبة وايام الطفولة


وايام شقاوة الثانوية


اوقات


بفتكر اول مرةعرفت احب


واد ايه كان حب برئ


اد ايه كان نور يكفى 100 طريق


اد ايه مش ملوث


ده كان ملحمة حب فى القلب


واد ايه الوقت اللى فات


كنت مش فاهم وماشى ورا الشعارات


احنا اقوياء احنا ابطال احنا ثوار


احنا احسن ناس فى العالم


واتضح لى اننا فقط اغبياء


لما مر شريط الذكريات


شوفت حجات


شوفت بال مرتاح


وضحكة طالعه من القلب


وهزار وتنطيط وشقاوة ولعب


واتضح لى ان نفس الصحبة زى ماكانوا


وانا بس اللى دلوقتى عبيط


حرقت دمى وضيعت نفسى لما عرفت


ملعون ابو اللى عرفنى



وقالى شوف خبايا بلدك



ملعون ابو اللى خلانى احبك يا مصر


اصحابى من سنى عايشين اوقاتهم


وانا وحدى اللى شيبت فى عشرينى


انا وحدى اللى بندم على اللى فات


ونزلت دمعه من عينى فوقتنى


وراح شرط الذكريات


اوقات ...........


سامح طاحون

____________________________

لا مانع من النشر فى المنتديات ولكن نرجوا  نشرها  مع  ذكر اسم الشاعر سامح طاحون
ويمكنكم التواصل معى  اذا كنتم تريدون  نشر كل اعمالى  بصفة مستمرة 
من خلال

s.tahuon@live.com


s.tahuon@yahoo.com

______________________________