مصر على صفيح ساخن .. سامح طاحون

مصر على صفيح ساخن



اعتصامات ....


اضرابات ....


العمال ..


المحاميين .....


الباعه الجائلين ....


الممرضات .....


المعاقين ....


والطوارئ...


وخالد الضحية ..


والامن يقول ده مات من البانجو ...


والناس بتقول مات من التعذيب ...


وكلام هنا ...


وكلام هناك ...


القصد يعنى خالد مات ...


وتستمر الاعتصامات ....


وتستمر الاضرابات ......


الباعه الجائلين


اعلنوا الحرب على النظام


بالسيوف والسنج


واصابة مين


ومين جرى ورا مين فى ميدان الساعه


والضحايا معرفش كام


والسيطرة على سيارات الداخلية


ومعرفش ايه وايه


والطمى يا ولية


واعمامنا المحاميين


قامت بينهم وبين القضاة حرب اهلية


وتكسير وحرق وضرب


وتهديدات


واعتقالات


واعتصامهم ادام المحاكم


لحين تنفيذ الطلبات


بس ياترى كلامهم بيروح لمين ؟؟


والنظام عندنا ودن من طين ....


وودن من عجين ....


وعمالك يا مصر


عمى محمد ...


وعمى حسين ...


الرجالة الشقيانين ...


بيصرخوا ...


ومحدش سامعهم


ليهم طلب وطلبهم بسيط


طلبهم الستر


وتأمين ولادهم


علشان لما يموتوا هما كمان فى حادثه قطر


ولا يغرقوا فى عبارة


ولادهم يلاقوا اللى ينجدهم
 واخواتنا المعاقين ...


لهموم الدنيا كلها شايلين

هم العيشة واللى عايشنها


نفسهم فى حد يساندهم


نفسهم فى فعل


مش فى كلام


نفسهم الوعود تتحقق


مش تفضل احلام

والممرضات


اختى ... واختك ....


ملائكة الرحمه
هما كمان ليهم طلبات


بس مين يسمع


ومين يشوف


الكل اتعمى


برغم ان كل شئ على المكشوف


اييييييييه ....


اقول ايه ولا ايه


وكل يوم يا محروسة


بشوف فيكى العجب


وكل يوم يا موكوسة


شعبك بيذداد غضب


كل يوم بيموت ابن من ولادك


وانتى نايمة ولا بتسألى ازاى مات


وتستمر الاعتصمات


وتستمر الاضرابات


وناس بتنادى بالتهدئه


وناس بتدور على فارس


وانا لسه بقرا جرايد


اخبار كتير


وحجات كتير


ولكن ...


مجمل الاخبار


ان مصر على صفيح ساخن ....


سامح طاحون

____________________________
لا امانع فى النشر ...ولكن  ارجوا ذكر المصدر والنشر باسم الشاعر سامح طاحون
s.tahuon@live.com
s.tahuon@yahoo.com