قرب قرب قرب شوف ................ سامح طاحون

قرب قرب قرب  شوف .....


كل حاجه يامصريين على المكشوف

الحق بيتقلب باطل

والعدل على الميزان من قلته مكسوف

واولادنا بيموتوا غدر ومفيش مشاكل

وعلشان كلامنا مالوش لازمه عندهم

كرهت الكلام والحروف

قرب قرب قرب شوف ...

شوفى ياهانم  بص يابيه

شوفوا حكومتنا بيعملوا ايه

قلوا قيمتنا

هانوا كرامتنا

وبيجوعونا وبيشردونا  من غير حتى مانعرف ليه

خالد مات وبقى هو الجانى

والقاتل بقى المجنى عليه

وياترى مين هيقتلوه تانى

قرب يابيه شوف العجايب

عندنا  احنا  واحنا  بس

تلقى المرض والجوع  والذل

وده شئ عادى مادام الضمير غايب

امتى تفوقوا  ملعووووون  الخوف

قرب قرب قرب  شوووف .......

سامح طاحون
________________________
لا امانع نشرها ولكن مع ذكر المصدر ونشرها باسم الشاعر سامح طاحون
s.tahuon@live.com
s.tahuon@yahoo.com